Ruben Neveş “Əl-Hilal”la müqaviləsini yenilədi

Portuqaliyalı futbolçu Ruben Neveş “Əl-Hilal” klubu ilə yeni müqavilə imzalayıb.

90deqiqe.Az xəbər verir ki, bu barədə Səudiyyə Ərəbistanı klubunun rəsmi saytları məlumat yayıb.

28 yaşlı yarımmüdafiəçinin yeni müqaviləsi 2029-cu ilin ortalarına qədər qüvvədə olacaq. Daha əvvəl mətbuatda yayılan xəbərlərdə Ruben Neveşə Madrid “Real”ının maraq göstərdiyi və onu azad agent statusunda transfer etməyi planlaşdırdığı bildirilirdi.

Ruben Neveş 2023-cü ildən etibarən “Əl-Hilal”ın formasını geyinir. Klubla keçirdiyi 115 oyunda o, 18 dəfə rəqib qapısına yol tapıb və komanda yoldaşlarına 30 assist edib.

Nüfuzlu Transfermarkt portalına görə, yarımmüdafiəçinin bazar dəyəri 25 milyon avrodur.