- Transfer
- 16:23 06.02.2026
“Mançester Yunayted” yarımmüdafiəçi Kobbi Maynun gələcək planlarını müəyyənləşdirib.
90deqiqe.Az-ın məlumatına görə, “qırmızı şeytanlar” futbolçu ilə əməkdaşlığı uzatmağı qərara alıb və yaxın zamanda danışıqlara start veriləcək.
Hazırkı müqavilənin müddəti 2027-ci ilin yayına qədərdir. Bu mövsüm İngiltərə Premyer Liqasında 20 yaşlı yarımmüdafiəçi 15 matçda çıxış edib və 1 məhsuldar ötürmə ilə yadda qalıb. Transfermarkt portalının ekspertləri Maynun bazar qiymətini 40 milyon avro qiymətləndirirlər.
Hazırda “Mançester Yunayted” Premyer Liqada 4-cü pillədə qərarlaşıb.
