"Mançester Yunayted" dünya çempionunu transfer etmək istəyir

"Mançester Yunayted" heyətini gücləndirmək imkanlarını araşdırır.

90deqiqe.Az-ın "Manchester Evening News"a istinadən məlumatına görə, “qırmızı şeytanlar”ın diqqət mərkəzində "Liverpul"un yarımmüdafiəçisi Aleksis Mak Allister yer alıb.

Bildirilir ki, klubun sahibi Cim Retkliff futbolçu transfer bazarında əlçatan olacağı təqdirdə onun keçidi üçün cəhd etməyə hazırdır. Lakin bu transferin reallaşma ehtimalının yüksək olmadığı vurğulanır.

Hələlik Mak Allisterin yayda “Liverpul”dan ayrılıb-ayrılmayacağı bəlli deyil. Bununla belə, argentinalı yarımmüdafiəçinin karyerasının müəyyən mərhələsində İspaniyada oynamaq istədiyi qeyd olunur.

Nüfuzlu “Transfermarkt” portalı 27 yaşlı dünya çempionunun transfer dəyərini 85 milyon avro olaraq qiymətləndirir.