- Transfer
- 13:02 19.02.2026
2025-ci ilin yay transfer dönəmi bir sıra tanınmış futbolçular üçün uğursuz alınıb.
90deqiqe.Az-ın məlumata görə, avropanın aparıcı klublarından ayrılan bəzi oyunçular yeni komandalarında gözləntiləri doğrultmayıblar.
Ceyms Trafford (“Mançester Siti”)
Çempionşipdə “Bernli” ilə rekord mövsüm keçirən 23 yaşlı qapıçı əsas heyətin bir nömrəsi olmaq ümidi ilə “şəhərlilər”ə qayıtsa da, gözləntilər özünü doğrultmayıb. Qeyri-sabit start və Gianluigi Donnarummanın komandaya dönüşü onun mövqeyini zəiflədib. Trafford avqustdan bəri Premyer Liqada meydana çıxmayıb.
Trent Aleksander-Arnold (“Real Madrid”)
27 yaşlı ingiltərəli müdafiəçi Madridə keçidindən peşman olduğu barədə xəbərlərlə gündəmə gəlib. Zədələr rol oynamasa da, o, Dani Karvaxalla rəqabətdə əsas heyətdə möhkəmlənə bilmir. Onun çıxışı tənqid olunur və 2026-cı il dünya çempionatı ərəfəsində İngiltərə millisindəki yeri sual altına düşüb.
Darvin Nunes (“Əl-Hilal”)
"Liverpul"dan Səudiyyə Ərəbistanına yollanan uruqvaylı hücumçu yüksək məbləğli müqavilə imzalasa da, qısa müddətdə narazılıq etməyə başlayıb. Klubun Karim Benzemanı transfer etməsi vəziyyəti daha da çətinləşdirib və Nunes çempionatın sonunadək heyətdən kənarda qalıb.
Liam Delap (“Çelsi”)
“İpsviç”dən Londona keçid 21 yaşlı forvard üçün ağır olub. O, Premyer Liqada cəmi bir qol vurub və əsas heyətdə yer almaqda çətinlik çəkir. Mütəxəssislər onun daha uyğun klub seçməli olduğunu bildirirlər.
Tayler Diblinq (“Everton”)
“Everton” 18 yaşlı istedad üçün 40 milyon funtdan artıq vəsait xərcləsə də, baş məşqçi David Moyesin rəhbərliyi altında futbolçu az şans qazanıb. Premyer Liqada cəmi dörd oyunda meydana çıxıb.
Harvi Elliott (“Aston Villa”)
“Liverpul”dan icarəyə göndərilən yarımmüdafiəçi “Aston Villa”da gözlənilən oyun praktikasını əldə etməyib. Klubun onu 35 milyon funt qarşılığında transfer etmək öhdəliyi olsa da, bu variantın reallaşması sual altındadır.
