"Yuventus"un futbolçusu 3 nəhəngin hədəfində

"Yuventus"un yarımmüdafiəçisi Andrea Kambiaso klubunu dəyişə bilər.

90deqiqe.Az-ın "CaughtOffside"ya  istinadən məlumatına görə, "Liverpul", "Mançester Siti" və "Real Madrid" də daxil olmaqla, bir neçə aparıcı klub italyan futbolçunu transfer etməkdə maraqlıdır. Sözügedən komandalar artıq futbolçunun agenti ilə danışıqlara da başlayıblar.

Bu komandalar onun həm müdafiədə, həm də yarımmüdafiədə oynaya bildiyi üçün onun çox yönlülüyünü yüksək qiymətləndirirlər.

"Yuventus" onu əsas oyunçu hesab edərək, oyunçusundan ayrılmaq istəmir.

Kambiasonun Turin klubu ilə 2029-cu ilin yayına qədər müqaviləsi var və onun maaşı mövsümdə 2,4 milyon avrodur. Andrea Kambiaso 2022-ci ildə "Cenoa"dan "Yuventus"a 15 milyon avroya keçib. O, bu mövsüm 35 oyun keçirib, iki qol vurub və dörd məhsuldar ötürmə edib.