“Arsenal” braziliyalı müdafiəçini buraxmır

"Real Madrid" "Arsenal"ın mərkəz müdafiəçisi Qabriel Maqalyaeslə bağlı sorğu göndərib.

90deqiqe.Az-ın "TEAMtalk"a istinadən məlumatına görə, “Kral Klubu”na dərhal məlumat verilib ki, "topçular" 28 yaşlı futbolçunu satmaq niyyətində deyil. "Arsenal" komandanı Avropanın ən güclülərindən birinə çevirməyə davam etmək istəyir və buna görə də aparıcı oyunçularını buraxmaq istəmir.

Cari mövsümdə Qabriel bütün turnirlərdə 32 oyunda iştirak edib, 4 qol və 4 məhsuldar ötürmə ilə yadda qalıb. Futbolçunun mövcud müqaviləsi 2029-cu ilin yayına qədər nəzərdə tutulub. Transfermarkt portalına görə, oyunçunun bazar qiyməti 75 milyon avro təşkil edir.