Roys 2027-ci ilə qədər MLS-də çıxış edəcək

Alman yarımmüdafiəçi Marko Roys MLS klubu "Los-Anceles Qalaksi" ilə yeni müqavilə imzalayıb.

90deqiqe.Az-ın məlumatına görə, bu barədə klubun rəsmi saytı məlumat yayıb.

Yeni müqavilənin müddəti 2027-ci ilin dekabrına qədər nəzərdə tutulub.

Roys 2024-cü ilin yayından bu komandada çıxış edir və bu vaxta qədər Kaliforniya klubunun 42 oyununda iştirak edərək 9 qol vurub və 13 məhsuldar ötürmə edib. Həmçinin, Roys "Los-Anceles Qalaksi" ilə MLS Kubokunu da qazanıb.

Roys əvvəllər 2012-ci ildən 2024-cü ilə qədər Dortmund "Borussiya"sında oynayıb. Dortmund klubu ilə Roys iki dəfə Almaniya Kubokunu və üç dəfə Almaniya Super Kubokunu qazansa da, heç vaxt ölkə çempionluğunu qazana bilməyib.