- Transfer
- 22:58 08.03.2026
"Nyukasl"ın yarımmüdafiəçisi Sandro Tonali yay transfer pəncərəsində klubdan ayrıla bilər.
90deqiqe.Az-ın "Tuttosport"a istinadən məlumatına görə, "Arsenal" klubu 25 yaşlı futbolçu ilə maraqlanır. London klubu artıq italiyalı futbolçunun agenti ilə danışıqlara başlayıb.
"Mançester Siti" və "Mançester Yunayted" də oyunçunu izləyir. "Sağsağanlar"ın Tonalini satmağa hazır olduqları bildirilir, lakin bu, yalnız 115 milyon avroya yaxın təklif verdikləri təqdirdə baş tutacaq.
Bu mövsüm Tonali bütün turnirlərdə 45 oyunda meydana çıxıb, üç qol vurub və yeddi məhsuldar ötürmə edib. Yarımmüdafiəçinin "Nyukasl"la hazırkı müqaviləsi 2028-ci ilin ortalarına qədərdir.
