“Barselona” La Liqada Reşfordun əvəzedicisini tapıb

“Barselona” klubu icarə əsasında komandada çıxış edən Markus Reşford üçün alternativ variantları nəzərdən keçirir.

90deqiqe.Az-ın "Marca"ya istinadən məlumatına görə, Kataloniya klubu 28 yaşlı futbolçunu daimi almaq istəyir, lakin “qırmızı şeytanlar”la razılaşma hələ əldə olunmayıb. Əgər Reşfordun alınması mümkün olmazsa, “Barselona” diqqətini "Betis"in futbolçusu Abde Ezzalzouli üzərinə yönəldə bilər. O, cari mövsümdə "Betis" komandasında çıxışı ilə diqqət çəkir.

İngiltərəli hücumçu “Mançester Yunayted”dən icarə əsasında “mavi-qırmızı”ların heyətində oynayır.

Qeyd edək ki, Əzzalzuli “Betis”ə keçməzdən əvvəl məhz “Barselona”da oynayıb və kataloniyalıların futbolçunu almaq üzrə üstünlük hüququ hələ də qalır. Transfer portalı Əzzalzulinin dəyərini 20 milyon avro olaraq qiymətləndirir.