“Arsenal”ın oyunu sıxıcı deyil, azarkeşlər zövq alır"

"Mançester Siti" və Argentina millisinin keçmiş hücumçusu Serxio Aquero "Arsenal"ın futbol üslubuna qarşı tənqidlərlə bağlı fikirlərini bölüşüb.

90deqiqe.Az xəbər verir ki, sabiq futbolçu bu barədə jurnalistlərə açıqlamasında deyib.

“Ümumiyyətlə, ‘sıxıcı futbol’ nə deməkdir? Mən düşünmürəm ki, ‘Arsenal’ azarkeşləri komandaları turnir cədvəlinin zirvəsində olarkən darıxır. Onları sıxıcı adlandırmaq, çünki çox vaxt standart vəziyyətlərdən qol vururlar, onların oyun üslubunu qiymətləndirməmək deməkdir. Ola bilsin, bu, digər komandaların azarkeşlərinə zövq vermir, bunu başa düşürəm. Amma mən düşünmürəm ki, bu, neytral azarkeşlərin İngiltərə çempionatının qalibini seçməsində əsas rol oynamalıdır”, – deyə Aquero bildirib.

Hazırda “Arsenal” İngiltərə çempionatında lider mövqedədir. “Topçular” 70 xal toplayıb və “Mançester Siti”ni 9 xalla qabaqlayır. Lakin “şəhərlilər”in bir oyunu hələ qalıb.