- Transfer
- 23:00 24.03.2026
“Aston Villa”nın yarımmüdafiəçisi Morgan Rogers İngiltərə Premyer Liqasında klubunu dəyişə bilər.
90deqiqe.Az-ın "Football Insider"ə istinadən məlumatına görə, 23 yaşlı futbolçu ilə “Mançester Yunayted” və “Çelsi” klubları maraqlanır.
Sözügedən klublar futbolçu üçün mübarizə aparmağa hazırdır, baxmayaraq ki, Berminqem komandası onun qiymətini 116 milyon avro olaraq müəyyən edib.
“Aston Villa”nın baş məşqçisi Unay Emeri Rogersi komandanın əsas oyunçularından biri hesab edir. Buna görə də klub əvvəlcə digər futbolçuları satmağa çalışacaq.
Cari mövsümdə Rogers bütün turnirlərdə 44 oyunda iştirak edib, 10 qol vurub və 7 məhsuldar ötürmə edib. Futbolçunun hazırkı müqaviləsi 2031-ci ilin yayına qədər nəzərdə tutulub. Bazarda onun təxmini dəyəri 80 milyon avro qiymətləndirilir.
