- Transfer
- 23:49 24.03.2026
"Mançester Yunayted" mövsümün sonunda klubdan ayrılacaq yarımmüdafiəçi Kazemironun yerini tuta biləcək üç oyunçunu müəyyənləşdirib.
90deqiqe.Az-ın "Daily Mail"ə istinadən məlumatına görə, braziliyalı oyunçunun yerinə əsas namizədlər "Nyukasl"dan Sandro Tonali, "Nottingem Forest"dən Elliott Anderson və "Kristal Pelas"dan Adam Uortondur.
Manuel Uqartenin komandadan ayrılacağı təqdirdə "Qırmızı Şeytanlar"ın başqa bir yarımmüdafiəçi axtarmağa başlaya biləcəyi vurğulanıb. Lakin "Mankunianlar" İngiltərə Premyer Liqasının digər klubları, xüsusən də "Mançester Siti" ilə rəqabət aparacaq.
Kazemiro 2022-ci ilin yayından "Mançester Yunayted"də çıxış edir.
