"Heç vaxt burger yeməyi dayandırmayacağam"

PSJ və Fransa millisinin hücumçusu Usman Dembele qidalanma vərdişləri ilə bağlı açıqlama verib.

90deqiqe.Az-ın "The Touchline"yə istinadən məlumatına görə, futbolçu bildirib ki, o, qidalanma rejimini dəyişmək niyyətində deyil:

“Mən hələ də oyunlardan sonra burger və pizza yeyirəm. Hər zaman yox, amma xüsusilə matçdan sonra – bunu demək olar ki, hər futbolçu edir. Mən həmişə onları yeyəcəyəm. Heç vaxt imtina etməyəcəyəm”, – deyə Dembele vurğulayıb.

Xatırladaq ki, ötən il Usman Dembele “Qızıl top” mükafatına layiq görülüb. Futbolçunun “PSJ” ilə mövcud müqaviləsi 2027/2028-ci il mövsümünün sonuna qədər qüvvədədir. Onun transfer dəyəri hazırda 100 milyon avro qiymətləndirilir.