"Milan" alman hücumçusu ilə bağlı qərarını verdi

“Milan” Niklas Füllkruqun gələcəyi ilə bağlı qərar verib.

90deqiqe.Az xəbər verir ki, "rossonerilər" icarə müddəti bitdikdən sonra Füllkruqu "Vest Hem"dən 5 milyon avroya almayacaq. "Milan" əvvəlcə Füllkruq müqaviləsini sadə bir icarə kimi qəbul edib.

“Milan” Füllkruqla bağlı ilkin olaraq yalnız icarə müqaviləsini nəzərdə tutub. Serie A nəhəngi alqı-satqı opsiyasını yalnız alman futbolçu güclü təəssürat yaratdığı halda aktivləşdirə bilərdi, lakin bu baş verməyib.

33 yaşlı Füllkruq yayda "Vest Hem"ə qayıdacaq. Bu arada, "Milan" artıq yeni mərkəz hücumçusu axtarışına başlayıb. Niklas Füllkruq "Milan"da 14 oyunda bir qol vurub.