"Milan" 19 yaşlı futbolçu transfer edir

"Korintians"ın yarımmüdafiəçi Andre karyerasını "Milan"da davam etdirməyə yaxındır.

90deqiqe.Az-ın "ESPN"ə istinadən məlumatına görə, İtaliya nəhəngi 19 yaşlı futbolçunu transfer etmək üçün səylərini artırıb.

 "Rossonerilər" braziliyalı futbolçu üçün ikinci təklif irəli sürüblər. Seriya A klubu oyunçunun iqtisadi hüquqlarının 70%-i üçün 18 milyon avro sabit ödəniş və əlavə 4 milyon avro bonus təklif edib. İqtisadi hüquqların qalan 30%-i oyunçunun özünə məxsusdur.

"Milan"ın təklifi ötən həftənin əvvəlindən "Korintians"ın müzakirəsindədir. Braziliya klubu hələlik cavab verməyib.

"Milan" Seriya A turnir cədvəlində "İnter"dən altı xal geridə qalaraq ikinci yerdədir.