“Qalatasaray”ı London klubuna dəyişə bilər

“Qalatasaray”ın mərkəz yarımmüdafiəçisi Qabriel Sara karyerasını İngiltərənin “Tottenhem” klubunda davam etdirə bilər.

90deqiqe.Az xəbər verir ki,  braziliyalı futbolçu London klubu tərəfindən transfer edilə biləcək oyunçular siyahısına daxil edilib. “Spurs”un nümayəndələri futbolçunun ətrafı ilə artıq əlaqə qurublar.

“Qalatasaray” yarımmüdafiəçini İngiltərəyə göndərməyə hazırdır, əgər yaxşı təklif olarsa. Məlumata görə, İstanbul klubu ən azı 45 milyon avro gəlir gözləyir.

Cari mövsümdə 25 yaşlı Sara “Qalatasaray”ın 39 oyununda iştirak edib, 6 qol vurub və 3 məhsuldar ötürmə edib. Transfermarkt portalına görə, futbolçunun bazar dəyəri 22 milyon avrodur.