“Real” Rüdiqer ilə yeni müqavilə üzrə danışıqlara başlayıb

"Real Madrid" mərkəz müdafiəçisi Antonio Rüdiqer ilə yeni müqavilə üzrə danışıqlara start verib.

90deqiqe.Az xəbər verir ki, 33 yaşlı futbolçunun hazırkı müqaviləsi iyun ayının sonunda başa çatır, lakin klub rəhbərliyi əməkdaşlığın davam etməsini istəyir. “Real” Rüdiqerə rəsmi olaraq müqavilənin uzadılması təklifini təqdim edib.

Daha əvvəl futbolçunun özünün ən azı daha bir il Madriddə qalmağa hazır olduğu barədə məlumatlar yayılmışdı.

Antonio Rüdiqer 2022-ci ilin yayından bəri "Kral Klubu"nda çıxış edir. Bu mövsüm mərkəz müdafiəçisi 19 oyunda meydana çıxıb və bir qol vurub.