“Çelsi”nin müdafiəçisi ilə bağlı aparıcı klublar hərəkətə keçib

“Çelsi”nin sağ cinah müdafiəçisi Coş Açimponq digər aparıcı klubların maraq dairəsinə düşüb.

 90deqiqe.Az-ın məlumatına görə, artıq ingilis oyunçunun menecerləri ilə “Barselona”, “Mançester Yunayted” və “Bavariya”nın nümayəndələri əlaqə saxlayıb.

19 yaşlı futbolçu kifayət qədər oyun praktikası əldə etmədiyindən narazıdır və bu səbəbdən klubdan ayrılmaq variantını nəzərdən keçirir.

Transfermarkt portalının məlumatına əsasən, Coş Açimponqun bazar dəyəri 25 milyon avro təşkil edir. Onun “Çelsi” ilə müqaviləsi 2029-cu ilə qədər qüvvədədir.

Cari mövsümdə futbolçu bütün turnirlərdə 25 oyunda iştirak edib və 2 qol vurub.