“Real” “Çelsi”nin futbolçusu Enzo Fernandes üçün Kamavinqanı təklif etdi

İspaniyanın “Real” klubu “Çelsi”nin yarımmüdafiəçisi Enzo Fernandes ilə maraqlanır.

90deqiqe.Az-ın "L’Equipe"yə istinadən məlumatına görə, Madrid təmsilçisi bu yay argentinalı futbolçu ilə razılaşma çərçivəsində Eduardo Kamavinqanı müqavilə dəyişdirilməsi üçün təklif edib.

“Real” fransalı futbolçunu təxminən 50 milyon funt sterlinq qiymətləndirir və onu mübadilə üçün istifadə etmək niyyətindədir.

Cari mövsümdə Eduardo Kamavinqa “Real”ın heyətində bütün turnirlərdə 35 oyuna çıxıb, 2 qol vurub və 1 məhsuldar ötürmə edib. Onun Madrid klubu ilə müqaviləsi 30 iyun 2029-cu il tarixinə qədər qüvvədədir.

Qeyd edək ki, Kamavinqa 2021-ci ildə Fransanın “Renn” klubundan “Real”a 31 milyon avro qarşılığında keçib.