Konte “Napoli”dən gedə bilər - əvəzləyicilər müəyyənləşib

"Napoli"nin baş məşqçisi Antonio Konte mövsümün sonunda komandadan ayrıla bilər.

90deqiqe.Az-ın məlumatına görə, mütəxəssisə İtaliya milli komandasında maraq var. Neapol təmsilçisi isə artıq onun mümkün gedişinə hazırlaşır və yeni baş məşqçi axtarışına başlayıb.

Klub rəhbərliyi namizədlər siyahısında Enzo Mareska və Vinçenso İtalyano ilə yanaşı, Daniele de Rossi və Fabio Qrossonun da adını nəzərdən keçirir.

Hazırda “Napoli” A Seriyasında 31 turdan sonra ikinci pillədə qərarlaşıb. Komanda turnir cədvəlinin lideri İnterdən yeddi xal geri qalır.

Xatırladaq ki, Antonio Konte ötən mövsüm “Napoli”ni çempionluğa daşıyıb.