“Yuventus” Mikelle Di Qreqorionu yayda sata bilər

"Yuventus"un qapıçısı Mikelle Di Qreqorio komandadan ayrıla bilər.

90deqiqe.Az-ın "La Gazzetta dello Sport"a istinadən məlumatına görə, qışda Di Qreqorio “qoca sinyora”nın əsas heyətindəki yerini itirib, bir neçə zəif çıxışından sonra ehtiyatda qalıb.

Son zamanlar italyan qapıçı yenidən meydana çıxıb və Cenoa ilə oyunda (2:0) penalti zərbəsini də dəf edib, lakin klub rəhbərliyi hələ də onu satmaq tərəfdarıdır.

"Yuventus" 28 yaşlı qapıçını gələn yay satmağı planlaşdırır. İngiltərə Premyer Liqası klubları artıq maraq göstərsə də, konkret namizədlər hələ açıqlanmayıb.

Transfermarkt portalının qiymətləndirməsinə görə, Mikelle Di Qreqorionun bazar dəyəri 14 milyon avrodur və onun klub ilə müqaviləsi 2029-cu ilə qədər qüvvədədir.