“Mançester Yunayted” Tçuameni transferi üçün hərəkətə keçdi

"Mançester Yunayted" yay transfer pəncərəsində iki yarımmüdafiəçi transfer etməyi planlaşdırır. 

90deqiqe.Az xəbər verir ki, klubun əsas hədəflərindən biri yüksək səviyyəli dayaq yarımmüdafiəçisi almaqdır. "Real"ın yarımmüdafiəçisi Oralyean Tçuameni “qırmızı şeytanlar”ın transfer siyahısında ön sıralarda yer alır. Klub futbolçunun vəziyyətini yaxından izləyir.

Eyni zamanda qeyd olunur ki, fransalı futbolçunun gələcəyi "Real Madrid" klubunun yay transferlərində atacağı addımlardan asılı ola bilər. Klub prezidenti Florentino Peresin Rodriyə maraq göstərdiyi bildirilir.

26 yaşlı futbolçunun bazar dəyəri 75 milyon avro olaraq qiymətləndirilir.