"Mançester Yunayted" "Yuventus"un müdafiəçisini transfer etmək istəyir

"Yuventus" klubunun mərkəz müdafiəçisi Pyer Kalulu karyerasını "Mançester Yunayted"də davam etdirə bilər.

90deqiqe.Az-ın “TUTTO mercato WEB”ə istinadən məlumatına görə, “qırmızı şeytanlar” 25 yaşlı futbolçunun xidmətində maraqlıdır.

İngiltərə klubu fransalı futbolçunu yaxından izləyir və nümayəndələrini qarşıdakı "Yuventus" – "Milan" matçına göndərəcək.

Eyni zamanda qeyd olunur ki, Kalulunun xidmətində bir neçə top-klubun marağı artdığı üçün Turin təmsilçisi futbolçu ilə yeni müqavilə bağlamağı planlaşdırır.

Cari mövsümdə müdafiəçi bütün turnirlərdə 44 oyunda meydana çıxıb, 2 qol vurub və 7 məhsuldar ötürmə ilə yadda qalıb.

Transferlə bağlı ixtisaslaşmış portal futbolçunun dəyərini 32 milyon avro olaraq qiymətləndirir.