“Arsenal” “Sportinq”in müdafiəçisini izləyir

“Sportinq”in sol müdafiəçisi Maksimilian Arauxo karyerasını “Arsenal”da davam etdirə bilər.

90deqiqe.Az-ın “Record”a istinadən məlumatına görə, "topçular" uruqvaylı futbolçu ilə maraqlanır.

Məlumata görə, London klubu 26 yaşlı futbolçunun transferi üçün artıq Portuqaliya təmsilçisi ilə ilkin əlaqələr qurub.

Arauxo 2024-cü ildə “Toluka”dan “Sportinq”ə 13 milyon avro qarşılığında transfer olunub. Onun klubla müqaviləsi 30 iyun 2029-cu ilədək qüvvədədir.

Cari mövsümdə uruqvaylı futbolçu bütün turnirlərdə 41 oyunda iştirak edib, 6 qol vurub və 4 məhsuldar ötürmə ilə yadda qalıb.

Transfermarkt portalının məlumatına əsasən, futbolçunun bazar dəyəri 25 milyon avro təşkil edir.