Lukaku İngiltərəyə qayıda bilər

“Napoli”nin hücumçusu Romelu Lukaku yayda İngiltərə çempionatına qayıtmaq variantını nəzərdən keçirir.

90deqiqe.Az-ın “The Touchline"yə istinadən məlumatına görə, futbolçunun ətrafı bir neçə İngiltərə klubu ilə əlaqə saxlayaraq marağı öyrənir və mümkün transfer variantlarını dəyərləndirir.

Mayın 13-də 33 yaşı tamam olacaq hücumçunun “Napoli” ilə müqaviləsi 2027-ci ilin ortalarınadək qüvvədədir.

Lukaku daha əvvəl İngiltərədə “Çelsi”, “Vest Bromviç”, “Everton” və “Mançester Yunayted” kimi klubların formasını geyinib.

Hazırda onun bazar dəyəri 12 milyon avro civarında qiymətləndirilir.