“Benfika” Mourinyo ilə bağlı qərarını verdi

Portuqaliyanın “Benfika” klubu baş məşqçi Joze Mourinyonu heyətdə saxlamağa çalışır. 

90deqiqe.Az-ın “O Jogo"ya istinadən məlumatına görə, bu həftə klub prezidenti Ruy Kosta baş məşqçi ilə görüşərək gələn mövsümün planlarını müzakirə edib.

“Benfika” rəhbərliyi Mourinyo ilə müqaviləni 2028 və ya 2029-cu ilə qədər uzatmaq niyyətindədir. Hazırkı sözləşmə isə 2027-ci ilin yayına qədər qüvvədədir.

Müqavilədə xüsusi bənd də yer alır. Belə ki, mövsümün sonunda 10 gün ərzində 3 milyon avro qarşılığında klubdan ayrılmaq imkanı mövcuddur.

Mütəxəssisə Madrid “Real”ının maraq göstərir.

Qeyd olunur ki, yaranmış vəziyyət fonunda “Real” Mourinyo ilə bağlı qərarı daha operativ şəkildə verməyə məcbur qala bilər.