“Roma”nın ulduzu İngiltərəyə yollana bilər

"Roma"nın hücumçusu Paulo Dibala karyerasını İngiltərə Premyer Liqasında davam etdirə bilər.

90deqiqe.Az xəbər verir ki, argentinalı futbolçu paytaxt klubu ilə müqavilənin uzadılması ilə bağlı danışıqların davam etməsinə baxmayaraq, bu yay Premyer Liqaya keçməyə açıqdır.  

"Roma" oyunçunu saxlamağa əmindir və yeni müqavilə imzalanacağını gözləyir. Bununla belə, Dibala həmişə İngiltərədə oynamaq arzusunda olub və klubla razılıq əldə olunmazsa, bu yay azad agent olacaq.

Bu mövsüm hücumçu "Roma"nın heyətində bütün yarışlarda 26 oyuna çıxıb, üç qol vurub və altı məhsuldar ötürmə edib.