Andres İnyesta məşqçilik karyerasına başlayır

İspaniyanın tanınmış keçmiş futbolçusu Andres İnyesta məşqçilik karyerasına başlayır. 

 90deqiqe.Az xəbər verir ki, bu barədə jurnalist Fabrizio Romano “X” sosial şəbəkəsində (keçmiş Twitter) məlumat paylaşıb.

O “Barselona”nın sabiq yarımmüdafiəçisi Birləşmiş Ərəb Əmirliklərinin ikinci liqasında çıxış edən “Qalf Yunayted” klubunun baş məşqçisi təyin olunacağını və artıq Dubay təmsilçisi ilə müqavilə imzaladıqlarını qeyd edib.

İnyesta 2024-cü ildə futbolçu karyerasını başa vurub. O, “Barselona” akademiyasında 22 il keçirib, bunun 18 ilini əsas komandada çıxış edərək “blauqrana”nın aparıcı fiqurlarından biri olub.

2018-ci ildə Yaponiyanın “Vissel Kobe” klubuna transfer olunan futbolçu daha sonra BƏƏ-nin “Emireyts” klubunda da oynayıb.

İspaniya futbolunun əfsanələrindən olan İnyesta 11 mayda 42 yaşını qeyd edib.