Danilo Avropa nəhənglərinin radarında

“Botafoqo”nun yarımmüdafiəçi Danilo karyerasını Avropada davam etdirə bilər.

90deqiqe.Az-ın “Teamtalk"a istinadən məlumatına görə, braziliyalı yarımmüdafiəçinin transferi ilə İtaliyanın “Milan” və İngiltərənin “Mançester Yunayted” klubları maraqlanır. Sözügedən klublar artıq futbolçunun agenti ilə danışıqlara da başlayıblar.

 25 yaşlı futbolçunun Avropada çıxış təcrübəsi də var. O, əvvəl İngiltərənin “Nottingem Forest” klubunda forma geyinib.

Danilo “Botafoqo” ilə 2029-cu ilin iyun ayının sonuna qədər müqavilə ilə bağlıdır. Yarımmüdafiəçinin bazar dəyəri 32 milyon avro olaraq qiymətləndirilir.