“Yuventus” Fransa millisinin hücumçusunu transfer etmək istəyir

“Kristal Pelas”ın hücumçusu Jan-Filipp Mateta karyerasını İtaliyada davam etdirə bilər.

90deqiqe.Az xəbər verir ki, fransalı futbolçunun xidmətində “Yuventus” maraqlıdır. Turin təmsilçisi hücumçunun transferini bu yay reallaşdırmağı planlaşdırır.

Jan-Filipp Mateta 2022-ci ildə Almaniyanın “Maynts” klubundan 11 milyon avro qarşılığında “Kristal Pelas”a keçib. Onun London təmsilçisi ilə müqaviləsi 2027-ci il iyunun 30-dək qüvvədədir.

Hücumçu 2025/2026 mövsümündə bütün turnirlərdə 50 oyunda meydana çıxıb. O, bu qarşılaşmalarda 16 qol vurub və üç məhsuldar ötürmə ilə yadda qalıb.

Futbolçunun transfer dəyəri 35 milyon avro qiymətləndirilir.