Bernardo Silva “Atletiko”ya keçə bilər

Portuqaliyalı yarımmüdafiəçi Bernardo Silva karyerasını İspaniya La Liqasında “Atletiko Madrid” klubunda davam etdirə bilər.

90deqiqe.Az-ın “The Touchline"yə istinadən məlumatına görə, futbolçu “Barselona” ilə razılıq əldə etməsinə baxmayaraq, daha real variant kimi “Atletiko”ya transferi nəzərdən keçirilir. Madrid təmsilçisinin Silvanı əvvəldən əsas transfer hədəfi kimi müəyyənləşdirdiyi vurğulanır.

Qeyd edək ki, 32 yaşını avqust ayında tamamlayacaq Bernardo Silva son olaraq İngiltərənin “Mançester Siti” klubunda çıxış edib. O, burada doqquz mövsüm keçirib və bir sıra titullar, o cümlədən UEFA Çempionlar Liqasının qalibi olub.