“Hoffenhaym” “Tvente”nin müdafiəçisini heyətinə qatdı

“Hoffenhaym” Niderlandın “Tvente” klubunun sol cinah müdafiəçisi Mats Rotsun transfer edib.

90deqiqe.Az-ın məlumata görə, 20 yaşlı futbolçu Almaniya Bundesliqası təmsilçisi ilə uzunmüddətli müqavilə imzalayıb.

Razılaşmanın maliyyə detalları açıqlanmayıb.

Ötən mövsüm Niderland çempionatında Rots 34 oyunda meydana çıxaraq 4 qol və 4 məhsuldar ötürmə ilə yadda qalıb.

O, “Tvente”nin əsas komandasında ümumilikdə 50 matçda çıxış edib və 5 qol vurub.

Futbolçu Niderlandın gənclər millisinin üzvüdür.

Qeyd edək ki, “Hoffenhaym” ötən mövsüm Bundesliqanı 61 xal toplayaraq 5-ci pillədə başa vurub.