“Real Madrid” Enso Fernandes üçün hərəkətə keçib

“Real” klubu “Çelsi”nin yarımmüdafiəçisi Enso Fernandesin transferində israrlıdır.

 90deqiqe.Az-ın məlumata görə, bu barədə “Daily Mail” məlumat yayıb.

Mənbənin məlumatına görə, İspaniya nəhənginin nümayəndələri artıq 25 yaşlı futbolçunun transferinə maraqlı olduqlarını bildiriblər. O, Argentina millisinin dünya çempionu kimi çıxış edir.

Futbolçunun özü də klub dəyişmə ehtimalını istisna etmir və yeni çağırışa açıqdır.

Qeyd olunur ki, “Real” uzun müddətdir Fernandesin mümkün transferi ilə əlaqələndirilir, çünki Madrid klubu bu səviyyədə futbolçunu transfer edə biləcək azsaylı klublardan biridir.

Klub prezidentliyinə yenidən seçilən Florentino Peres transfer bazarında fəal işləmək niyyətindədir.

“Çelsi” isə vəziyyəti diqqətlə izləyir və Madrid klubunun marağının rəsmi təklifə çevrilməsini gözləyir. London klubu öz vitse-kapitanını təxminən 140 milyon avro dəyərində qiymətləndirir.

Qeyd olunur ki, “Çelsi” Fernandes üçün alıcı axtarmır və yalnız onları qane edən təklif gəlmədiyi halda onu gələn mövsüm də komandada saxlamağa hazırdır.

Argentinalı futbolçunun “Çelsi” ilə müqaviləsi 2032-ci ilin yayına qədər qüvvədədir.

Daha əvvəl Fernandesə “Paris Sen-Jermen” və “Mançester Siti” klublarının da maraq göstərdiyi bildirilmişdi.