“Barselona” Harri Keynlə maraqlanıb

İspaniyanın "Barselona" klubu hücum xəttini gücləndirmək üçün yüksək səviyyəli futbolçu axtarışlarını davam etdirir.

90deqiqe.Az xəbər verir ki, bu addım komandanın hücumçusu Robert Levandovskinin gedişindən sonra xüsusilə aktuallaşıb.

Kataloniya təmsilçisi Xulian Alvaresi transfer etmək variantını nəzərdən keçirsə də, Atletiko Madrid rəhbərliyinin argentinalı futbolçunun satışı ilə bağlı sərt mövqeyi bu keçidi xeyli çətinləşdirir. Buna görə də klub alternativ namizədlər üzərində işləyir.

 “Barselona” Harri Keyn barədə ilkin məlumat toplayıb. Klub rəsmi təklif göndərməsə də, mümkün transfer halında ingilis hücumçunun “Kamp Nou”ya köçməyə hazır olub-olmadığını öyrənməyə çalışıb.

Qısa müddət sonra kataloniyalılar cavab alıblar. Bildirilib ki, Harri Keyn hazırda "Bavariya"da özünü xoşbəxt hiss edir və komandadan ayrılmaq niyyətində deyil.

Qeyd edək ki, 32 yaşlı hücumçunun transfer dəyəri ixtisaslaşmış qiymətləndirmə platformalarına əsasən 60 milyon avro təşkil edir.