“Barselona”nın Alvares planı ifşa olundu

Xulian Alvaresin gələcəyi futbol dünyasında ən çox müzakirə olunan transfer mövzularından birinə çevrilib.

90deqiqe.Az xəbər verir ki, Argentina millisinin Avstriya ilə matçından sonra hücumçu verdiyi açıqlama ilə “Atletiko”dan ayrılmaq və arzusunu reallaşdırmaq istədiyini bildirib. Bu açıqlama transfer ətrafında gərginliyi daha da artırıb.

Madrid təmsilçisi isə mediaya açıqlamasında “Barselona”nın futbolçunu yalnız 500 milyon avro təzminat məbləği müqabilində transfer edə biləcəyini vurğulayıb.

“La Vanguardia” nəşrinin məlumatına görə, artıq may ayının sonunda “Barselona” futbolçunun agenti ilə beşillik müqavilə şərtlərini müzakirə edib. Lakin katalon klubunun 100 milyon avro civarında etdiyi təklif “Atletiko” tərəfindən qəbul edilməyib.

Məlumata əsasən, vəziyyət gərgin olaraq qalır. “Atletiko”nun hətta “Barselona”nın futbolçunun klubu ilə razılıq olmadan danışıqlar aparması səbəbindən FİFA-ya müraciət etmə ehtimalını nəzərdən keçirdiyi bildirilir.