"Nyukasl" Bazumana Tureni heyətinə qatdı

"Nyukasl" heyətini yeni futbolçu ilə gücləndirib.

90deqiqe.Az xəbər verir ki, İngiltərə təmsilçisi cinah hücumçusu Bazumana Turenin transferini rəsmən açıqlayıb.

20 yaşlı futbolçu Almaniyanın "Hoffenhaym" klubundan transfer olunub. Qeyri-rəsmi məlumata görə, keçidin dəyəri 50 milyon avro təşkil edib.

Klub müqavilənin müddətini açıqlamasa da, yayılan rəsmi məlumatda tərəflər arasında uzunmüddətli anlaşmanın imzalandığı bildirilib.

Kot-d'İvuar millisinin üzvü 2025-ci ilin fevralından "Hoffenhaym"ın formasını geyinirdi. O, Almaniya klubunun heyətində keçirdiyi 45 oyunda 5 qol vurub, 15 məhsuldar ötürmə ilə yadda qalıb.

Qeyd edək ki, İngiltərə Premyer Liqasında yeni mövsüm avqustun 21-də start götürəcək.