"Kristal Pelas" "Barselona"nın keçmiş müdafiəçisi ilə müqavilə imzalayıb

"Kristal Pelas" heyətini yeni futbolçu ilə gücləndirib.

90deqiqe.Az-ın məlumatına görə, İngiltərə klubu ispaniyalı cinah müdafiəçisi Oskar Minqesa ilə müqavilə imzalayıb.

27 yaşlı futbolçu komandaya azad agent kimi qoşulub. Tərəflər arasında dörd illik müqavilə bağlanıb.

Oskar Minqesa "Barselona"nın yetirməsidir. O, 2020-2022-ci illərdə Kataloniya klubunun əsas komandasında çıxış edib.

Müdafiəçi son dörd mövsümü "Selta"da keçirib. O, bu müddətdə komandanın heyətində 147 oyuna çıxıb, 22 qol və məhsuldar ötürmə ilə yadda qalıb.

Qeyd edək ki, İngiltərə Premyer Liqasının yeni mövsümü avqustun 21-də start götürəcək.