- Transfer
- 23:46 10.08.2026
Türkiyənin I Liqasında mübarizə aparacaq "Bursaspor" nigeriyalı hücumçu Keleçi İheanaçonun transferini rəsmən açıqlayıb.
90deqiqe.Az xəbər verir ki, 29 yaşlı futbolçu son olaraq Şotlandiyanın "Seltik" klubunun formasını geyinib. O, karyerası ərzində "Mançester Siti", "Sevilya", "Midlsbro" və "Seltik" kimi klublarda çıxış edib.
Təcrübəli hücumçu klub karyerası ərzində İngiltərə Kubasını, İngiltərə Superkubokunu, İngiltərə Çempionşipini və Şotlandiya çempionatını qazanıb.
Qeyd edək ki, "Bursaspor" yeni mövsümdən etibarən Türkiyə I Liqasında mübarizə aparacaq.
