"Nyukasl"ın yeni baş məşqçisi müəyyənləşdi

"Nyukasl Yunayted" rəhbərliyi baş məşqçi Eddi Haunun komandadan ayrılmaq qərarından sonra onun əvəzləyicisini müəyyənləşdirib.

90deqiqe.Az-ın məlumatına görə, İngiltərə klubu hazırda Səudiyyə Ərəbistanının "Əl-Əhli" komandasını çalışdıran almaniyalı mütəxəssis Matias Yayssle ilə razılıq əldə edib.

Bildirilir ki, 38 yaşlı baş məşqçi yaxın günlərdə "Nyukasl"la dörd illik müqaviləyə imza atacaq.

Matias Yayssle 2023-cü ildən "Əl-Əhli"ni çalışdırır. Onun rəhbərliyi altında Ciddə təmsilçisi ötən mövsüm Səudiyyə Ərəbistanı çempionatını üçüncü pillədə başa vurub.

Alman mütəxəssis daha əvvəl Avstriyanın "RB Zalsburq" və "Liferinq" klublarında da baş məşqçi kimi fəaliyyət göstərib.