"Bavariya" 18 yaşlı futbolçunu heyətinə qatmağa hazırlaşır

Almaniyanın "Bavariya" klubunun idman direktoru Maks Eberl komandanın Bara Sapoko Ndiayenin transferini başa çatdırmağa yaxın olduğunu açıqlayıb.

90deqiqe.Az-ın “Bulinews"a istinadən məlumatına görə, "Bavariya" seneqallı müdafiəçinin transfer hüquqlarını daimi əsaslarla almağa hazırlaşır. Maks Eberl komandanın Asiya turu zamanı jurnalistlərə açıqlamasında bildirib ki, razılaşmanın əldə olunması artıq çox yaxındır.

"Bu, getdikcə daha real görünür və çox vaxt aparmamalıdır", – deyə Eberl bildirib.

 "Bavariya" Ndiayeni Qambiyanın "Qambinos Stars" klubundan transfer edəcək. Keçidin məbləğinin 5 milyon avrodan az olacağı gözlənilir.

Qeyd edək ki, 18 yaşlı futbolçu ötən mövsümün ikinci yarısını Münhen təmsilçisinin sistemində icarə əsasında keçirib. O, bu müddətdə 4 oyunda meydana çıxıb.