"Strasburq" Covanni Reynanı heyətinə qatdı

Fransanın "Strasburq" klubu heyətini yeni futbolçu ilə gücləndirib.

90deqiqe.Az klubun rəsmi saytına istinadla xəbər verir ki, komanda ABŞ millisinin hücumameyilli yarımmüdafiəçisi Covanni Reyna ilə 2031-ci ilin yayına qədər nəzərdə tutulan müqavilə imzalayıb.

23 yaşlı futbolçu karyerası ərzində Almaniyanın "Borussiya Dortmund", "Borussiya Mönhenqladbax" və İngiltərənin "Nottingem Forest" klublarında çıxış edib.

Transfermarkt-ın məlumatına əsasən, "Strasburq" Reynanın transferi üçün Mönhenqladbax təmsilçisinə 3 milyon avro ödəyib.

Qeyd edək ki, "Strasburq" ötən mövsüm Fransa Liqa 1-də 8-ci yeri tutub və avrokuboklara vəsiqə qazana bilməyib.