"Qranada" Zinəddin Zidanın oğlu ilə yollarını ayırdı

İspaniyanın "Qranada" klubu qapıçısı Luka Zidanla müqaviləyə qarşılıqlı razılıq əsasında xitam verib.

90deqiqe.Az-ın məlumatına görə, Zinəddin Zidanın oğlu olan 27 yaşlı qolkiper 2024-cü ilin yayından etibarən "Qranada"nın formasını geyinirdi.

Luka Zidan iki mövsüm ərzində komandanın heyətində İspaniya Kuboku və ölkə çempionatı çərçivəsində ümumilikdə dörd oyunda meydana çıxıb.

Klub futbolçu ilə yeni müqavilə imzalamamaq qərarına gəlib. "Qranada" yaydığı rəsmi açıqlamada qapıçıya göstərdiyi xidmətlərə görə təşəkkür edib və gələcək karyerasında uğurlar arzulayıb.

Qeyd edək ki, Luka Zidan Əlcəzair milli komandasının qapıçısıdır. O, karyerası ərzində "Real Madrid", "Eybar" və "Rayo Valyekano" kimi klublarda da çıxış edib. Atası Zinəddin Zidan "Real Madrid"in baş məşqçisi olduğu dövrdə onu bir neçə dəfə əsas komandanın heyətində meydana buraxmışdı.