“Vest Hem” “Tottenhem”in futbolçusunu transfer edir

“Tottenhem”in yarımmüdafiəçisi Manor Solomon karyerasını “Vest Hem”də davam etdirəcək.

90deqiqe.Az-ın məlumatına görə, “Vest Hem” futbolçunun transferi ilə bağlı London klubu ilə razılığa gəlib.

Məlumata əsasən, London klubu Solomon üçün 5 milyon funt-sterlinq ödəyəcək. Müqavilədə əlavə olaraq 2 milyon funt-sterlinq bonus nəzərdə tutulub.

Futbolçu tibbi müayinədən keçmək üçün artıq icazə alıb. Müayinənin sabah keçirilməsi planlaşdırılır. Bundan sonra Solomon “Vest Hem”lə 3 illik müqavilə imzalayacaq.

Razılaşmada müqavilənin 2030-cu ilin yayına qədər uzadılması üçün seçim hüququnun da yer alacağı bildirilir.