“İpsviç” Serbiya millisinin futbolçusunu transfer etdi

İngiltərənin “İpsviç” klubu heyətini serbiyalı yarımmüdafiəçi Saşa Lukiçlə gücləndirib.

90deqiqe.Az-ın məlumatına görə, “traktorçular” 29 yaşlı futbolçunu İtaliyanın “Torino” klubundan transfer edib. Keçidin 9 milyon avroya başa gəldiyi bildirilir. Lukiç yeni klubu ilə 2030-cu ilədək müqavilə imzalayıb.

Serbiyalı futbolçu daha əvvəl İngiltərə Premyer Liqasında çıxış edib. O, “Fulhem”in formasını geyinib. Bu səbəbdən Lukiçin İngiltərə çempionatındakı təcrübəsinin yeni komandasında ona kömək edəcəyi gözlənilir.

Qeyd edək ki, “İpsviç” ötən mövsüm İngiltərə futbolunun elit divizionuna qayıdıb və yeni mövsümə Premyer Liqada hazırlaşır.

İngiltərə çempionatında yeni mövsüm avqustun 21-də başlayacaq.