Kristian Romero “Tottenhem”dən “Atletiko”ya keçdi

Argentinalı müdafiəçi Kristian Romero “Tottenhem”dən Madrid “Atletiko”suna transferini rəsmiləşdirib.

90deqiqe.Az-ın məlumatına görə,  28 yaşlı futbolçu İspaniya klubu ilə müqavilə imzalayıb.

Romero “Atletiko” ilə 5 illik müqavilə imzalayıb. Transferin məbləği 40 milyon avro təşkil edib. Bundan əlavə, “Tottenhem” argentinalı futbolçunun gələcək mümkün satışından əldə olunacaq məbləğin 15 faizini alacaq.

Qeyd edək ki, Romero 2022-ci ilin avqustundan “Tottenhem”də çıxış edirdi. Argentinalı müdafiəçi London klubunun heyətində ümumilikdə 156 oyuna çıxıb, 13 qol vurub və 7 məhsuldar ötürmə edib.

Futbolçu daha əvvəl sosial şəbəkə hesabında “Tottenhem” azarkeşləri və klubla vidalaşdığını açıqlamışdı.