“İnter” İngiltərə millisinin müdafiəçisini transfer etdi

İtaliyanın “İnter” klubu İngiltərə millisinin müdafiəçisi Cey Speysi heyətinə qatıb.

90deqiqe.Az-ın məlumatına görə, Milan təmsilçisi 25 yaşlı futbolçunun “Tottenhem” klubundan transferini rəsmiləşdirib.

Tərəflər arasında imzalanan müqavilənin müddəti 2031-ci ilin yayına qədər nəzərdə tutulub.

“İnter”in yaydığı açıqlamada Cey Speysin güclü, texniki cəhətdən istedadlı və sürətli cinah müdafiəçisi olduğu bildirilib. Klub futbolçunun həm hücumda, həm də müdafiədə effektiv çıxış edə bildiyini vurğulayıb.

Speys ötən mövsüm “Tottenhem”in heyətində bütün turnirlər daxil olmaqla 44 oyunda meydana çıxıb. O, bu qarşılaşmalarda məhsuldar fəaliyyətlə yadda qalmayıb.

Qeyd edək ki, Cey Speys 2026-cı il dünya çempionatında İngiltərə millisinin heyətində səkkiz oyunda iştirak edib.

“Transfermarkt”ın məlumatına görə, futbolçunun hazırkı bazar dəyəri 40 milyon avro qiymətləndirilir.