Mişi Batşuayi Səudiyyə Ərəbistanı klubuna keçdi

Almaniyanın “Ayntraxt” klubu hücumçusu Mişi Batşuayinin Səudiyyə Ərəbistanının “Abha” komandasına transfer olunduğunu açıqlayıb.

90deqiqe.Az-ın məlumatına görə, bu barədə Frankfurt təmsilçisinin rəsmi saytı məlumat yayıb.

32 yaşlı belçikalı forvard 2025-ci ilin fevralında “Qalatasaray”dan “Ayntraxt”a keçmişdi. O, Almaniya klubunun heyətində ümumilikdə 21 oyuna çıxıb və 4 qol vurub. Batşuayi ötən mövsüm 10 matçda 1 dəfə fərqlənib.

Futbolçunun transfer məbləği açıqlanmayıb. “Transfermarkt” portalı onun hazırkı bazar dəyərini 2 milyon avro qiymətləndirir.

Qeyd edək ki, Batşuayi karyerası ərzində “Standard”, “Çelsi”, “Marsel” və digər klubların formasını geyinib. O, Belçika millisində keçirdiyi 57 oyunda 22 qola imza atıb.