“Yuventus” “Tottenhem”in qapıçısını icarəyə götürdü

“Yuventus” qapıçı Qulyelmo Vikarionun transferini rəsmiləşdirib.

90deqiqe.Az klubun rəsmi saytına istinadla xəbər verir ki,Turin təmsilçisi 29 yaşlı italiyalı qapıçını “Tottenhem”dən icarəyə götürüb. Müqavilə 2027-ci il iyunun 30-dək qüvvədə olacaq.

Daha əvvəl jurnalist Fabrizio Romano Vikario ilə bağlı razılaşmanın futbolçunun satın alınması üçün məcburi olmayan şərtlə icarəni nəzərdə tutduğunu bildirmişdi.

Vikario 2023-cü ilin yayından “Tottenhem”in formasını geyinir. O, ötən mövsüm bütün turnirlərdə 43 matçda iştirak edib və bu görüşlərin 13-də qapısını toxunulmaz saxlayıb.

İtaliyalı qolkiperin London klubu ilə hazırkı müqaviləsi 2028-ci ilin yayına qədər nəzərdə tutulub.

“Transfermarkt” portalı futbolçunun bazar dəyərini 18 milyon avro qiymətləndirir.