“Nyukasl” Amar Dediçi transfer etdi

İngiltərənin “Nyukasl” klubu Portuqaliyanın “Benfika” komandasında çıxış edən Amar Dediçin transferini rəsmiləşdirib.

90deqiqe.Az klubun rəsmi saytına istinadla xəbər verir ki, 24 yaşlı sağ cinah müdafiəçisi ilə 5 illik müqavilə imzalanıb. Bosniya və Herseqovina millisinin üzvünün keçidi “Nyukasl”a 35 milyon avroya başa gəlib.

Amar Dediç yeni komandasında 37 nömrəli formanı geyinəcək.

Qeyd edək ki, futbolçu 2025-ci ilin iyulunda Avstriyanın “Zalsburq” klubundan 12 milyon avro qarşılığında “Benfika”ya transfer olunmuşdu. O, ötən mövsüm Portuqaliya çempionatında 24 oyunda meydana çıxaraq 1 qol və 4 məhsuldar ötürmə ilə yadda qalıb.