- Transfer
- 00:48 20.08.2026
Portuqaliyanın “Benfika” klubu İtaliyanın “Parma” komandasından mərkəz müdafiəçisi Alessandro Çirkatini transfer edib.
90deqiqe.Az-ın məlumatına görə, 22 yaşlı avstraliyalı futbolçu ilə 2031-ci ilədək müqavilə imzalanıb. Transferin maliyyə detalları açıqlanmasa da, “Transfermarkt” keçidin dəyərini 20 milyon avro olaraq qiymətləndirir.
Çirkati “Parma” və “Pert Qlori”nin yetirməsidir. O, Avstraliya millisinin heyətində 17 oyun keçirib və 1 qol vurub. Müdafiəçi 2026-cı il dünya çempionatında da Avstraliya yığmasının heyətində yer alıb və komanda ilə birlikdə 1/16 final mərhələsinədək irəliləyib.
Çirkati ötən mövsüm “Parma”nın heyətində 33 matçda meydana çıxıb. O, bu görüşlərdə 1 qol vurub, 1 məhsuldar ötürmə edib və 6 sarı vərəqə ilə cəzalandırılıb.
